Mwandishi: Sheikh Hassan Mbarazi, Kadhi wa Mkoa wa Mbeya
Mkoa wa Mbeya umetuma ujumbe mzito kutoka ndani ya Ukumbi wa Mwalimu Julius Nyerere, Dar es Salaam, ukieleza namna ambavyo jamii imejifunza, kuona na kushuhudia upendo mkubwa alionao Mtume Muhammad (S.A.W) katika nyoyo za Waislamu na watu mbalimbali.
Katika ujumbe wake, Sheikh Hassan Mbarazi, Kadhi wa Mkoa wa Mbeya, amesema kuwa safari ya maisha inatufundisha kwamba, pamoja na kupendwa na watu wengi, bado mwanadamu atakutana na watu wenye mitazamo tofauti, wakiwemo wasiopenda mafanikio, heshima au sifa anazopewa mtu.
«“Tumejifunza mengi, tumeona mengi na tumeshuhudia Mtume (S.A.W) ni kipenzi cha wengi. Tukumbuke kuwa hata upendwe na watu kiasi gani, lazima ujue watakuwepo wenye roho mbaya watakuchukia pia.”»
Sheikh Mbarazi amesema kuwa Mtume Muhammad (S.A.W) anapendwa na wengi, Alhamdulillah, lakini ameeleza pia kuwa wapo baadhi ya watu ambao hawafurahishwi na kusifiwa na kuadhimishwa kwa Mtume (S.A.W).
Akisisitiza umuhimu wa kuwaombea wanaotofautiana na jambo hilo, Sheikh Mbarazi amesema:
«“Inna Lillahi wa Inna Ilaihi Raji’un. Tuwaombee hawa, ni wenzetu, lakini kukosea ni ubinadamu tu.”»
Ujumbe huo umebeba wito wa subira, hekima, upendo na kuwaombea wengine, huku ukisisitiza kwamba tofauti za mitazamo zisigeuke kuwa sababu ya chuki au migawanyiko miongoni mwa jamii.
Kwa waumini, mapenzi kwa Mtume Muhammad (S.A.W) yana nafasi kubwa katika maisha yao ya kiroho, na ujumbe huu unawakumbusha waumini kuendelea kuonyesha mapenzi hayo kwa hekima, heshima na amani.
Mwandishi: Sheikh Hassan Mbarazi
Kadhi wa Mkoa wa Mbeya