.png)
# Watanzania Wapende Kutenda Matendo ya Haki **
Na Suleiman Shagata, Mwanza**
Watanzania wametakiwa kuzingatia kutenda haki katika matendo yote ya kila siku kwenye jamii ili kuwezesha jamii kukaa kwa amani na utulivu katika maeneo yao.
## Wito wa Kutenda Haki
Kauli hiyo imetolewa leo jijini Mwanza na Paroko Msaidizi wa Parokia ya Nyakahoja, Joseph Kabutta, akisema utendaji haki hudhihirisha ukweli wa mambo yanayotakiwa na wanajamii kwenye sehemu zao.
Alisema kwa watu wanaomcha Mungu hawana budi kuzingatia utoaji wa haki kwa wenzao kwani huo ni msingi unaosisitizwa kwa waumini wote duniani ili waweze kuishi kwa amani na upendo katika maeneo yao.
## Kuombana Msamaha
Kabutta alisema kwa wale walikoseana wafanye jitihada za dhati kuombana msamaha ili wasianze mwaka wakiwa na kero kwenye mioyo yao.
> "Tukirithisha watoto wetu matendo mema ndani ya jamii tutakuwa tunajenga kizazi chenye maadili mema" - Paroko Msaidizi Joseph Kabutta
## Jukumu la Wazazi
Aidha, Paroko huyo Msaidizi aliwataka wazazi wote kuwajengea watoto wao utamaduni wa kuenenda vizuri kwenye jamii wanayoishi ili waweze kukua wakiwa raia wema hapa nchini.
## Ulinzi wa Rasilimali za Taifa
Kabutta alisema kuna haja kwa serikali kufanya jitihada zaidi ili kuhakikisha kuwa rasilimali za nchi zinalindwa na kutumiwa vizuri ili kuweza kuwanufaisha Watanzania wote.
### Mfumo wa Sheria
Paroko Msaidizi alisema misingi ya haki vilevile ziweze kulindwa na sheria nzuri zilizopo, wakati huo huo watunga sheria kuhakikisha kuwa wanatunga sheria zingine nzuri kwa ustawi wa taifa zikazosimamia utoaji wa haki nchini.
--- **Hitimisho**
Ujumbe wa Paroko Msaidizi Kabutta unasisitiza umuhimu wa: - Kutenda haki katika jamii - Kuombana msamaha kabla ya kuingia mwaka mpya - Kujengea watoto maadili mema - Kulinda rasilimali za taifa - Kuimarisha mfumo wa sheria *Kwa mawasiliano zaidi, tembelea Parokia ya Nyakahoja, Mwanza.*